Buda Gautama

Siddhārtha Gautama (en sánscritu सिद्धार्थ गौतम, en pali Siddattha Gotama) (I mileniuedC, Lumbini (es) – I mileniuedC, Kushinagar) foi un líder relixosu nepalés conocíu nel llinguax coloquial como Buda. Vivió nuna dómina de cambéu cultural onde s'atacaben los procedimientos relixosos tradicionales na India. Foi ún de los reformadores que dio un puxu renovador nel ámbitu relixosu que finó por convertise nuna nueva doctrina que s'espardió más allá de les llendes de la India y tresformóse nuna de les más grandes relixones de tolos tiempos, el budismu. El términu sánscritu buddha significa ‘intelixente’ (siendo buddhi ‘intelixencia’). Magar que la pallabra Buda nun s'usa namái pa él, sinón pa toles persones qu'algamen la illuminación y sabencia. Tamién ye conocíu como'l ŚākyaMuni (‘el sabiu del clan Śākya’). Nun hai de trafulcalu con Hotei, el denomáu “Buda sonriente”.